ပဓာနသုတ်

သုတ္တနိပါတ်ပါဠိတော်
မြန်မာပြန်
၃ - မဟာဝဂ်
၂ - ပဓာနသုတ်
    ၄၈၂ - ၄၂၉။ နိဗ္ဗာန်သို့ စေလွှတ်ထားသော စိတ်ရှိသည်ဖြစ်၍ နေရဉ္ဇရာ မြစ်နား၌
ယောဂကုန်ရာ နိဗ္ဗာန်သို့ ရောက်ခြင်းငှါ အလွန်အားထုတ်လျက် အပ္ပနာ ဈာန်ကို အားထုတ်နေသော
ထိုငါဘုရားကို -
    အသျှင်ဘုရားသည် ကြုံလှီလှပါ၏၊ အဆင်း မလှတော့ပါပြီ၊ အရှင်၏ သေခြင်းသည်
နီးကပ်လှ ပါ၏ဟု မာရ်နတ်သည် သနားခြင်းနှင့် ယှဉ်သော စကားကို ပြောလျက် ချဉ်းကပ်၏။ (၁-၂)
    ၄၃၀။ အသျှင်ဘုရား၏ အသက်ရှင်ခြင်းသည် သေခြင်း၏ တစ်ထောင်သော အဖို့အစုရှိသည့်
အနက် တစ်စု တစ်စိတ်သာ ကျန်ပါတော့သည်၊ အသျှင် အသက်ရှင်နေပါလော့၊ အသက်ရှင် နေရခြင်းသည်
မြတ်ပါ၏၊ အသက်ရှင်နေသည် ရှိသော် အသျှင်ဘုရားသည် ကောင်းမှုတို့ကို ပြုရပါလိမ့်မည်။(၃)
    ၄၃၂။ မြတ်သော အကျင့်ကိုလည်း ကျင့်သော၊ မီးပူဇော်ခြင်းကိုလည်း ပူဇော်သော၊ သင့်အား
များစွာသော ကောင်းမှုသည် ပွား၏၊ တရားအားထုတ်မှုဖြင့် အဘယ်ပြုလိမ့်မည်နည်း။(၄)
    ၄၃၃။ ထိုအခြင်းအရာအားဖြင့် ဆိုတတ်သော ထိုမာရ်နတ်အား မြတ်စွာဘုရားသည်
ဤစကားကို မိန်ဆို၏- မေ့လျော့မှု၏ အဆွေဖြစ်သော မာရ်နတ်ယုတ် ဤအရပ်သို့ သင်လာခြင်းသည်ကား
သင့်အကျိုးအတွက်သာ လာခြင်းဖြစ်၏။(၆)
    ၄၃၄။ (မာရ်နတ်ယုတ်) အနုမြူမျှလောက်သော်လည်း ကောင်းမှုဖြင့် ငါ အလိုမရှိ၊
အကြင်သူတို့အား ကောင်းမှုဖြင့် အလိုရှိ၏၊ ထိုသူတို့ကိုသာလျှင် မာရ်နတ်သည် ပြောဆိုရန် ထိုက်၏။(၇)
    ၄၃၅။ (မာရ်နတ်ယုတ်) ငါ့အား ယုံကြည်မှု ‘သဒ္ဓါ’ သည် လည်းကောင်း၊ အားထုတ်မှု ‘ဝီရိယ’သည်
လည်းကောင်း၊ (ခွဲခြားသိမှု) ‘ပညာ’ သည် လည်းကောင်း ရှိ၏၊ ဤသို့ နိဗ္ဗာန်သို့ စေလွှတ်သော
စိတ်ရှိသူ ငါ့အား အဘယ့်ကြောင့် အသက်ရှင်ခြင်းကို မေးတုံဘိသနည်း။(၈)
    ၄၃၆။ ငါ၏ ကိုယ်၌ ဝီရိယအဟုတ်ကြောင့် ဖြစ်သော ဤလေသည် မြစ်တို့၏ ရေအလျဉ်တို့ကို
သော်လည်း ခန်းခြောက်စေနိုင်ရာ၏၊ နိဗ္ဗာန်သို့ စေလွှတ်သော စိတ်ရှိသူ ငါ၏ သွေးကိုကား အဘယ့်ကြောင့်
သာလျှင် မခန်းခြောက်စေဘဲ ရှိပါအံ့နည်း။(၉)
    ၄၃၇။ သွေးသည် ခန်းခြောက်လတ်သော် သည်းခြေသည် လည်းကောင်း၊ သလိပ်သည်
လည်းကောင်း ခန်းခြောက်၏၊ အသားတို့သည် ကုန်ခန်းကုန်သော် စိတ်သည် ရှေးကထက် လွန်စွာ ကြည်လင်၏၊
သတိသည် လည်းကောင်း၊ ပညာသည် လည်းကောင်း၊ သမာဓိသည် လည်းကောင်း ငါ့အား လွန်စွာတည်၏။ (၁၀)
    ၄၃၈။ ဤသို့ နေသည်ဖြစ်၍ လွန်မြတ်သော ဝေဒနာသို့ ရောက်သော ထိုငါ၏ စိတ်သည်
ကာမတို့ကို အလိုမရှိ (စိတ်စင်ကြယ်မှုဖြင့်) သတ္တဝါ စင်ကြယ်သည့် အဖြစ်ကို ရှုလော့။(၁၁)
    ၄၃၉။ ကာမတို့ကို သင်၏ ပဌမ စစ်သည်ဟူ၍ ဆိုရကုန်၏၊ မမွေ့လျော်ခြင်းကို ဒုတိယ စစ်သည်
ဟူ၍ ဆိုရ၏၊ မွတ်သိပ် ဆာလောင်ခြင်းကို သင်၏ တတိယ စစ်သည်ဟူ၍ ဆိုရ၏၊ တပ်မက်မှု တဏှာကို
စတုတ္ထ စစ်သည် ဟူ၍ ဆိုရ၏။(၁၂)
    ၄၄၀။ ထိနမိဒ္ဓကို သင်၏ ပဉ္စမ စစ်သည်ဟူ၍ ဆိုရ၏၊ ကြောင့်လန့်မှုကို ဆဋ္ဌ စစ်သည်ဟူ၍ ဆိုရ၏၊
ယုံမှားမှုကို သင်၏ သတ္တမ စစ်သည်ဟူ၍ ဆိုရ၏၊ သူ့ကျေးဇူးကို ချေဖျက်မှုကို လည်းကောင်း၊ မာန်ဖြင့် 
ခက်ထန်ခိုင်မာမှုကို လည်းကောင်း သင်၏ အဋ္ဌမ စစ်သည်ဟူ၍ သိရ၏။(၁၃)
    ၄၄၁။ လာဘ်ကျော်စောမှု ပူဇော်သက္ကာရ ချွတ်ယွင်းဖောက်ပြန် မမှန်မကန် ရအပ်သော အခြံအရံကို
နဝမ စစ်သည် ဟူ၍ ဆိုရ၏၊ မိမိကိုယ်ကို ချီးမြှောက်မှု သူတစ်ပါးတို့အား ရှုတ်ချမှုကို ဒသမ စစ်သည် ဟူ၍
ဆိုရ၏။(၁၄)
    ၄၄၂။ မာရ်နတ်ယုတ် ဤဆယ်မျိုးသည်ကား သမဏဗြာဟ္မဏတို့ကို နှောင့်ယှက်တတ်သော
မည်းနက်သော အကုသိုလ်ရှိသည့် သင်မာရ်နတ်၏ စစ်သည် ဗိုလ်ပါတည်း၊ မရဲရင့်သူသည် ထိုစစ်သည်
ဆယ်မျိုးကို မအောင်မြင်နိုင်၊ ထိုစစ်သည် ဆယ်မျိုးကို အောင်မြင်နိုင်ခဲ့မူကား ချမ်းသာကိုရ၏။(၁၅)
    ၄၄၃။ ထို့ကြောင့် ထိုငါသည်လည်း (မဆုတ်မနစ်ခြင်း အထိမ်းအမှတ်ဖြစ်သော) ဖြူဆံမြက်ကို
ဆောင်ထား၏၊ စစ်ရှုံးသည်ဖြစ်၍ ငါ၏ အသက်ရှင်နေရခြင်းသည် စက်ဆုပ်ဖွယ်ဖြစ်၏၊ (သင်နှင့်)
စစ်တိုက်ရာ၌ စစ်ရှုံးသည်ဖြစ်၍ ငါ၏ အသက်ရှင် နေရခြင်းထက် သေခြင်းက မြတ်သေး၏။(၁၆)
    ၄၄၄။ ဤသင်၏ စစ်သည်ဘောင်၌ နစ်မြုပ် သက်ဝင် နေကြကုန်သော သမဏဗြာဟ္မဏ
အချို့တို့သည် (သီလ စသောဂုဏ်တို့ဖြင့်) မထင်ရှားနိုင်ကုန်၊ ထိုသမဏ ဗြာဟ္မဏတို့သည် ကောင်းသော
အကျင့် ရှိသူတို့ သွားရာ လမ်းခရီး ကိုလည်း မသိကြကုန်။(၁၇)
    ၄၄၅။ (မာရ်နတ်) ငါသည် ထက်ဝန်းကျင် အရပ်မှ စစ်တိုက်ရန် ထွက်လာသော စစ်သည်ဗိုလ်ပါ
အပေါင်းကို မြင်ရသောကြောင့် ငါ့ကို တည်ရာဌာနမှ မရွေ့လျောပါစေလင့်ဟု (နှလုံးသွင်း၍) ဂိရိမေခလာ
ဆင်နှင့်တကွဖြစ်သော မာရ်နတ်ကို စစ်ထိုးရန် ရင်ဆိုင်ထွက်ခဲ့၏။(၁၈)
    ၄၄၆။ သင်၏ အကြင်စစ်သည် ဗိုလ်ပါအပေါင်းကို နတ်နှင့်တကွသော လောကသည်
ခုခံနိုင်စွမ်း မရှိပေ၊ မီးမဖုတ်ရသေးသော မြေအိုး မြေခွက်ကို ကျောက်ဖြင့် ထုနှက် ခွဲဖျက်သကဲ့သို့
သင်၏ ထိုစစ်သည် ဗိုလ်ပါအပေါင်းကို ပညာဖြင့် ငါ ထုနှက် ဖျက်ဆီးအံ။(၁၉)
    ၄၄၇။ ငါသည် မှန်ကန်သော ကြံစည်မှု ‘သမ္မာသင်္ကပ္ပ’ ကို လေ့လာခြင်း ရှိသည်ကို ပြုလျက်
မှန်ကန်သော အောက်မေ့မှု ‘သမ္မာသတိ’ ကိုလည်း ကောင်းစွာ တည်သည်ကို ပြု၍ များစွာသော
တပည့်သာဝကတို့ကို ဆုံးမလျက် တိုင်းပြည်တစ်ခုမှ တိုင်းပြည်တစ်ခုသို့ လှည့်လည်တော့အံ။(၂၀)
    ၄၄၈။ ငါ၏ အဆုံးအမကို လိုက်နာကြကုန်သော ထိုတပည့် သာဝကတို့သည် မမေ့လျော့ကုန်ဘဲ
နိဗ္ဗာန်သို့ စေလွှတ်သော စိတ်ရှိကုန်လျက် (ဘဝသုံးပါးကို) အလိုမရှိကြကုန်သည်ဖြစ်၍ အကြင်နိဗ္ဗာန်သို့
ရောက်ကုန်သည်ရှိသော် မစိုးရိမ်ရကုန်၊ ထိုနိဗ္ဗာန်သို့ ရောက်ကြရကုန်လတ္တံ့။(၂၁)
    ၄၄၉။ သတိရှိတော်မူသော မြတ်စွာဘုရား၏ ချွတ်ယွင်းချက် အခွင့်အရေးကို ရလိမ့်မည်ဟု
နှလုံးသွင်း၍ ငါသည် ခုနစ်နှစ်တို့ ပတ်လုံး မြတ်စွာဘုရားသို့ ထပ်ကြပ်မကွာ အစဉ်လိုက်ခဲ့၏၊ ဤသို့
လိုက်သော်လည်း အခွင့်အရေးကို မရခဲ့ချေ။(၂၂)
    ၄၅၀-၄၅၁။ ဤအရာဝတ္ထု၌ နူးညံ့ပျော့ပျောင်းရာကို ရနိုင်ငြားအံ့လည်း မသိ၊
သာယာမြိန်ရှက်ဖွယ် ရှိငြားအံ့လည်း မသိဟု နှလုံးသွင်း၍ ကျီးသည် အဆီခဲနှင့်တူသော
အဆင်းရှိသော ကျောက်တုံးကို ထက်ဝန်းကျင် လှည့်လည် ထိုးစိတ်ပါသော်လည်း-
    ကျီးသည် ထိုကျောက်တုံး၌ သာယာတပ်ငြိဖွယ်ကို မရသောကြောင့် ကျောက်တုံးကို
တွယ်တာကပ်ငြိမှု ငြီးငွေ့ လက်လျှော့လျက် ဖဲခွာပျံသွားသကဲ့သို့ ငါတို့သည်လည်း အသျှင်ဂေါတမကို
ငြီးငွေ့ လက်လျှော့လာဖဲခွာ ထွက်သွား ကုန်တော့အံ့။(၂၃-၂၄)
    ၄၅၂။ စိုးရိပ်ခြင်းဖြင့် နှိပ်စက်အပ်သော ထိုမာရ်နတ်၏ လက်ကတီးကြားမှ စောင်းသည်
လျှောကျ၏၊ ထို့နောက် ထိုမာရ်နတ်သည် နှလုံးမသာသည် ဖြစ်၍ ထိုအရပ်၌ပင် ကွယ်ပျောက်လေသတည်း။(၂၅)
နှစ်ခုမြောက် ပဓာနသုတ် ပြီး၏။