သညာက္ခန္ဓာ၌ အဓိပ္ပါယ် အကျဉ်း

ကျေးဇူးတော်ရှင် လယ်တီဆရာတော်ဘုရားကြီး
ပြုစုတော်မူသော
ဘာဝနာဒီပနီ မှ ထုတ်နုတ်ဖော်ပြထားခြင်းဖြစ်သည်

သညာက္ခန္ဓာ၌ အဓိပ္ပါယ် အကျဉ်း

သညာက္ခန္ဓာ၌ "မှတ်သိလိမ်မာ- မမေ့ရာ" ဆိုသည်ကား
အမိဝမ်းမှ မွေးဖွားသည်မှစ၍ ဤကား အမိ,
ဤကား အဖ, ဤကား အရှေ့, ဤကား အနောက်
စသည်ဖြင့် သူအများတို့ ပြောဆိုပြုလုပ်သမျှတို့ကို
မှတ်၍ မှတ်၍ တစ်နေ့တစ်ခြား သိ ကြားလိမ်မာသည်
ဖြစ်၍ လာကြသောအမှု, တွေ့ဘူး ကြုံဘူး, ဆက်ဆံဘူး
သမျှကို ထင်ရှားရာဌာနတို့၌ မမေ့မပျောက် စွဲမြဲထင်းရှား
၍နေမှု အခြင်းအရာမျိုးကို သညာက္ခန္ဓာ ဆိုသည်။

အလိမ်မာ ၂-မျိုး။    ။ ၁။ မှတ်သိလိမ်မာ တစ်မျိုး,
          ၂။ တတ်သိလိမ်မာ တစ်မျိုးဟူ၍
              နှစ်မျိုးရှိ၏။
မှတ်သိလိမ်မာ။    ။သညာ၏ အသိအလိမ်မာကား
        မှတ်သိလိမ်မာတည်း။
တတ်သိလိမ်မာ။    ။ပညာ၏ အသိအလိမ်မာကား
        တတ်သိလိမ်မာတည်း။
    အရပ်ဒေသ အရိုး,အမျိုးတို့နှင့်ပင် ပြီးစီးနိုင်
သော အသိအလိပ်မာမျိုးသည် သညာနှင့် ပြီးစီး၏။
    ဆရာသမားထံ သင်ကြားလေ့လာ နာခံမှတ်
သားထားမှုနှင့်မှ ပြီးစီးသော အသိအလိမ်မာသည်ကား
ပညာပေတည်း။ အသိအလိမ်မာ နှစ်ပါးခွဲနည်း။

သညာ ၆-ပါး။    ။ထိုသညာက္ခန္ဓာသည် အာရုံအပြား
အားဖြင့် ၆-ပါးရှိ၏။
    ၁။    ရူပသညာ
    ၂။    သဒ္ဒသညာ
    ၃။    ဂန္ဓသညာ
    ၄။    ရသသညာ
    ၅။    ဖောဋ္ဌဗ္ဗသညာ
    ၆။    ဓမ္မသညာ
    ဤ ၆-ပါးတည်း။

အာရုံကို သိမှု ၆-ပါး။    ။ အဆင်းသဏ္ဍာန်မျိုး၌ သိမှု,
အသံမျိုး၌ သိမှု, အနံ့မျိုး၌ သိမှု, အရသာမျိုး၌ သိမှု,
ပထဝီ တေဇော ဝါယောဟူသော ဖောဋ္ဌဗ္ဗတို့၌ သိမှု,
ထိုငါးပါးတို့မှ ကြွင်းသော ကုသိုလ်ဓမ္မ, အကုသိုလ်ဓမ္မ,
အဗျာကတဓမ္မတို့၌ သိမှုဟူ၍ ၆-ပါး ဆိုလိုသည်။
    မျက်စိအရသာကို သိမှု, နားအရသာကို သိမှု,
နှာခေါင်းအရသာကို သိမှု, လျှာအရသာကို သိမှု,
ကိုယ်အင်္ဂါအရသာကို သိမှု, မနောအရသာကို သိမှု,
ဟူ၍လည်း ၆-ပါးဖြစ်၏။
    သတ္တဝါအပေါင်းတို့သည် ဤသညာနှင့်ပင်
နေ့နေ့ညည ကိစ္စအခွင့် အလုံးစုံမျိုးကို သိ၍သိ၍
လုပ်ကြံဆောင်ရွက်၍ နေကြကုန်၏။

ဝိညာဏ်နှင့်သညာ သိမှု အထူး
ဤအရာ၌ ဝိညာဏက္ခန္ဓာသိမှုနှင့် သညာက္ခန္ဓာသိမှု
ကိုလည်း ခွဲခြားရာ၏။
ဝိညာဏ်သိ    ၆-ဒွါရ ဆိုက်တိုက်လာသော
အာရုံတို့ကို သင်းကား မြေ, သင်ကား ရေ အစရှိသည်
ဖြင့် သိမြင်ဖော်ပြ၍ သွားမှုသည် ဝိညာဏ်၏ သိမှုတည်း၊
သညာ၏ သိမှုမဟုတ်။
သညာသိ        ဝိညာဏ်ဖော်ပြ၍ သွားသမျှကို
နောက်မမေ့ရအောင် မှတ်မှုသည် သညာ၏အမှုတည်း၊
ဝိညာဏ်၏ အမှုမဟုတ်။
ဝိညာဏ်သိ    ဝိညာဏ်အလိုအားဖြင့် ရှေ့သို့
တွေ့ကြုံပြီးကို ပြန်၍တစ်စုံတစ်ခုကိုမျှ မမှတ်မိနိုင်ရာ။
သညာသိ        သညာအလိုအားဖြင့် တွေ့ကြုံဘူး
သည်ကို မှတ်မိ၏ ရှေ့သို့ တစ်စုံတစ်ခုကိုမျှ သိမြင်မှု
မရှိလေရာ။
ဤကား သညာ, ဝိညာဏ် ၂-ပါးတို့၏ အထူးတည်း။