သမုဒယသစ္စာ ရှင်းလင်းချက်

ကျေးဇူးတော်ရှင် မဟာဂန္ဓာရုံဆရာတော်
"အရှင်ဇနကာဘိဝံသ"
၏
ဒသမကျမ်းစာ
အနာဂတ်သာသနာရေး
စာအုပ်မှ ထုတ်နုတ်ဖော်ပြထားခြင်းဖြစ်ပါသည်။

ဒုက္ခတွေသည် အကြောင်းမဲ့သက်သက်
ဖြစ်ရသည် မဟုတ်၊ ဗြဟ္မာမင်း စသူတို့ ဖန်ဆင်း
မှုကြောင့် ဖြစ်ရခြင်းလည်း မဟုတ်၊ "သမုဒယ"ဟု
ခေါ်သော တဏှာ လောဘကြောင့်သာ ဖြစ်ရသည်။
ချဲ့ဦးအံ... သတ္တ၀ါတို့၌ ကိုယ့်ကိုယ်ကို နှစ်သက်တွယ်
တာမှု (တဏှာ)သည် လွန်စွာအားကြီး၏၊ "သူများကို
ချစ်ပါသည်" ဟု ဆိုသော်လည်း ထိုအချစ်ခံရသူက
ကိုယ့်အလိုကို ဖြည့်ပေးခြင်း, ကိုယ့်မှာရှိသော တဏှာ၏
အလိုမကျ ဖြစ်နေခြင်းကြောင့် သူ့ကို ချစ်ရခြင်း ဖြစ်သည်။
မိဘက သားသမီးကို ချစ်သည်ဟု ဆိုရာ၌ သားသမီးတို့ကို
ကြည့်နေရလျှင် ကိုယ့်သန္တာန် တဏှာသည် သာသာယာယာ
ရှိ၏၊ ထို့ကြောင့် မိဘက သားသမီးကို ချစ်၏၊ ထိုချစ်ပါသည်
ဟု ဆိုရသော သားက သမီးက ကိုယ့်နာမည် ပျက်အောင်
ကိုယ့်စီးပွား ဆုတ်ယုတ်အောင် လုပ်လိုက်လျှင် ထိုသားအပေါ်
သမီးအပေါ် ၌ အချစ်လျော့သွား၏၊ ကြပ်ကြပ် အပြစ်ပြုသော
အခါ ထိုသား သမီးကိုပင် မုန်းလာသည်၊ (သား သမီးအပေါ်
တဏှာချစ် ကင်း၍ ဒေါသဖြစ်လာသည်)ဟု ဆိုရသည်၊
သမီး ခင်ပွန်း အချင်းချင်း ချစ်ကြခြင်း မုန်းကြခြင်းများလည်း
ဤနည်းနှင်နှင်တည်း၊ အမှန်မှာ"အတ္တသမံ ပေမံ နတ္ထိ=
ကိုယ့်ကိုယ်ကို ချစ်ခြင်းနှင့် တန်းတူသော ချစ်ခြင်းမရှိ"ဟူ
သာ မှတ်ပါ။

ဘ၀သစ်ကို
ဖြစ်စေသော တဏှာ
ပြခဲ့သော နည်းအရ ကိုယ့်ကိုယ်ကိုသာ နှစ်နှစ်ကာကာ
ချစ်ခြင်းဖြင့် တစ်ဘ၀လုံး ချစ်၍နေခဲ့လေရာ သေခါနီး
လတ်သော် လက်ရှိ ချစ်စရာအာရုံဟူသမျှ စွန့်လွှန်ရ
တော့မည့်အရေးကို မျှော်တွေးစပြုကာ လွန်စွာ
ဒုက္ခရောက်ကြရ၏၊ ချစ်စရာတွေသာမက ချစ်စရာအား
လုံး၏ အရင်းဆုံးဖြစ်သော မိမိခန္ဓာကိုယ်သော်မှ
စွန့်လိုက်ရတော့မည့်အရေးကို တွေးမိကြ၏၊ ဤသို့ေ
တွေး၍ ကြောက်နေရုံနှင့် မပြီးသေး၊ နောက်ဆုံး
စုတေချိန်မှာ မလွှတ်ချင့် လွှတ်ချင်နှင့် ဤခန္ဓာကိုယ်
ကို လွှတ်ရတော့မည့် အခြေသို့ ရောက်လေသော်
ဤခန္ဓာကိုယ်၌ တွယ်တာမှုတဏှာပြတ်၍ အသစ်
ထပ်မည့် ခန္ဓာကိုယ်ပေါ်ဝယ် (သေတော့မည့်ဆဲဆဲ
ကနေ၍) မှန်းမျှော်တွယ်တာပါလေတော့သည်၊
ဤသို့လျှင် ဤဘက်သေခါနီးဆဲဆဲက နေ၍လည်း
ဘ၀သစ် ခန္ဓာကိုယ်အပေါ်ဝယ် မှန်းမျှော် တွယ်တာ
လျက်ရှိခြင်း, ကုသိုလ်ကောင်းမှု ပြုစဉ်တုန်းကလည်း
ဘ၀အသစ်၌ ကောင်းကောင်း ဖြစ်နိုင်ဖို့ရာ မသိမသာ
ဖြစ်စေ "လူ့ချမ်းသာ ဖြစ်ရပါလို၏" စသည်ဖြင့်
ဆုတောင်းသူအတွက် (သိသိသာသာဖြစ်စေ)
တွယ်တာ တမ်းတ မှန်းဆလျက် ရှိနေခြင်းကြောင့်
ကံအားလျော်စွာ (ကံအစွမ်းကြောင့်) ဘ၀သစ်၍
ဇာတိ အသစ် ဖြစ်ပေါ်ရလေသည်။
အကုသိုလ်ကံ အကျိုးပေးခံရမည့်သူများလည်း
(ပင်လယ်ထဲ ရေနစ်ရာမှ ပေါ်အလာဝယ် ဆွဲမိဆွဲရာ
ဆွဲတတ်၍ မိချောင်းကြီးများပင် ဖြစ်သော်လည်း
ပထမသော် ဖက်မိကြသကဲ့သို့) ထို့အတူ သေခါနီး
၌ မကောင်းဆိုးဝါး ဖြစ်တော့မည့် အနာဂတ်
ခန္ဓာကိုယ်ကိုသော်လည်း လက်ရှိခန္ဓာကိုယ်
လွှတ်ခါနီး၌ တဏှာဖြင့် လှမ်းမျှော်၍ ဖက်မိပါသေး
သည်၊ ဤသို့လျှင် ကံကြောင့် ဘ၀သစ်၌ ဖြစ်ရသော်
လည်း တဏှာ၏ တောင့်တမှုကြောင့်သာ ဖြစ်ရသည်၊
တဏှာကုန်ခန်းသော ရဟန္တာတို့မှ ကံတွေအပြည့်
ရှိသော်လည်း ဘ၀သစ်မဖြစ်တော့သဖြင့် ဘ၀သစ်ကို
ဖြစ်စေတတ်သူ လက်သည်ကိုရှာသောအခါ ဤ
တဏှာ့ အပေါ်မှာသာ သတ္တုကျတော့၏၊ ထို့ကြောင့်
သမုဒယတဏှာကို "ဘ၀အသစ်ကို ပြုလေ့ရှိသည်"
ဟု မိန့်တော်မူသည်။

တဏှာသုံးမျိုး
ကာမတဏှာဟူသည် ယခုလူတို့၌ ဖြစ်ရိုးဖြစ်စဉ်
ကာမဂုဏ်အာရုံတွေကို (သား သမီးနှင့်ပစ္စည်းဥစ္စာ
စသည်ကို) တွယ်တာသော တဏှာတည်း၊ ဤဘ၀
ခန္ဓာကိုယ်ကို မြဲ၏ဟု ယူဆနေသော ဒိဋ္ဌိသည်
'သဿတဒိဋ္ဌိ' မည်၏၊ ထိုဒိဋ္ဌိကိုပင် "ဘ၀ဒိဋ္ဌိ" ဟု
ခေါ်၏၊ ထိုဘ၀ဒိဋ္ဌိနှင့် အတူဖြစ်သော တဏှာသည်
ဘ၀တဏှာ မည်၏၊ ဤဘ၀ခန္ဓာကိုယ်ကိုပင်
"သေလျှင် ပြတ်၏"ဟု ယူဆသော ဒိဋ္ဌိသည်
ဥစ္ဆေဒဒိဋ္ဌိ မည်၏၊ "၀ိဘ၀ဒိဋ္ဌိ"လည်း ခေါ်၏၊
ထိုဝိဘ၀ဒိဋ္ဌိနှင့်အတူဖြစ်သော တဏှာသည်
ဝိဘ၀တဏှာ မည်၏၊ ထိုတဏှာကို အရင်းခံ၍
ကောင်းကောင်း ဆိုးဆိုး ကံအမျိုးမျိုးကို ပြုမိ
ကြပြန်ရာ ထိုကံကြောင့် ဘ၀သစ်၌ ဇာတိ
ဖြစ်ရပြန်၏၊
ဇာတိရှိလျှင် ဇရာ ဗျာဓိ မရဏဒုက္ခတို့လည်း
ဖြစ်ရသောကြောင့် ဇာတိဒုက္ခ စသည်၏
အကြောင်းရင်းသည် ဤတဏှာ သမုဒယ
ပင်တည်း၊ တဏှာကြောင့် ချစ်သူဟူ၍ ရှိရ,
ထိုချစ်သူနှင့် ကွဲ၍ ဒုက္ခရောက်ရ, တဏှာ
ကြောင့် ဟိုဟာ သည်ဟာ လိုချင်ရ, လိုချင်၍
မရသောကြောင့် ဒုက္ခရောက်ရ, တဏှာကြောင့်
ဤခန္ဓာကိုယ်အသစ် (ဥပါဒါနက္ခန္ဓာ)ကို ရရှိရ,
ထိုဥပါဒါနက္ခန္ဓာကို ရသောကြောင့် ဒုက္ခအမျိုးမျိုး
ရောက်ရ၊ ဤသို့ စသည်ဖြင့် ဒုက္ခအားလုံး၏
အရင်းခံ တဏှာကို "သမုဒယသစ္စာ" ဟု
ဟောတော်မူပေသည်။