ဗုဒ္ဓ၏ကမ္မဝါဒ

ဗုဒ္ဓ၏ကမ္မဝါဒ

ကံဆိုသည်မှာ

ကမ္မဟူသော ပုဒ်သည်အပြုအမှု၊ ပြုလုပ်ခြင်း'အလုပ်'ဟူသော အနက်ဖြစ်သည်။
ဝေဒခေတ်အခါက ကမ္မဟူသည်မှာ ယဇ်ပူဇော်မှုဖြစ်သည်ဟု ယူဆခဲ့ကြသည်။
ယဇ်ပူဇော်မှုကို သတ်မှတ်ထားသော နည်းလမ်းများအတိုင်း တိကျကောင်းမွန်စွာ
ပြုလုပ်နိုင်လျှင်၊ ကောင်းကျိုးခံစားရသည်ဟု ဝေဒကျမ်းများကို အလေးထားစဉ်က
ယူဆခဲ့ကြသည်။ ဝေဒခေတ်နောက်ပိုင်း အရညက ကျမ်းများ နှင့် ဥပနိသျှဒ်ကျမ်းများ
ခေတ်စားလာသောအခါ ကိုယ်ကျင့်သီလကို "ကမ္မ" 'ကံ' ဟု ယူဆလာကြသည်။
သို့ရာတွင် အတွေးအခေါ်အရ ကိုယ်ကျင့်သီလကို ကံအဖြစ်လက်ခံလာသော်လည်း
ဗြာဟ္မဏဝါဒ၌မူကား "ကမ္မ" သည် ယဇ်ပူဇော်မှုသာ ဖြစ်သည်ဟု ယူမှတ်ထားဆဲ
ဖြစ်သည်။

ဗုဒ္ဓဘာသာအရ "ကမ္မ" 'ကံ' ဆိုသည်မှာ သာမာန်အပြုအမူ သက်သက်မျှသာ
မဟုတ်ဘဲ စေတနာပါသည့် စေတနာ အခြေခံသည့် အပြုအမူ ဖြစ်သည်။

"စေတနာဟံ ဘိက္ခဝေ ကမ္မံ ဝဒါမိ"
(ရဟန်းတို့ . . . စေတနာကို ကံဟု ငါဘရားဆိုလို၏)
အင်္ဂုတ္တရနိကာယ်၊ ဆက္ကနိပါတ်၊
နိဗ္ဗေဓိကသုတ်။

အထက်ပါစကားအရ အသိနှင့်ယှဉ်၍ပြုသော စေတနာပါသော အပြုအမူကိုသာ
ကံအဖြစ် သတ်မှတ်ထားခြင်းဖြစ်သည်။ စေတနာပါသော အပြုအမူဟုဆိုရာ၌
ကိုယ်၊ နှုတ်၊ စိတ် သုံးပါး၏ အပြုအမူအားလုံး အကျုံးဝင်သည်။
ကိုယ်နှင့်လှုပ်ရှားဆောင်ရွက် ပြုမူမှု (ကာယကံ)၊
နှုတ်ဖြင့်ပြောဆိုမှု (ဝစီကံ)၊
စိတ်ိဖြင့်တွေးတော စဉ်းစားမှု (မနောကံ)၊ သုံးမျိုးလုံးပါဝင်သည်။ ထိုကံသုံးပါးလုံးတွင်
စေတနာသည် အရင်းခံဖြစ်သည်။

စေတနာအရင်းခံသည့် အပြုအမူ၊ အသိနှင့်ယှဉ်သည့် ကံကို အပြစ်ကင်းသော
ကောင်းသောကံ(ကုသလ)၊ အပြစ်မကင်းသော မကောင်းသောကံ(အကုသလ)နှင့်
အပြစ်ကင်းသည် မကင်းသည်ဟု မသတ်မှတ်နိုင်သော ကြားဖြစ်သော ကံ(အဗျာကတ)
ဟု သုံးမျိုးခွဲခြားနိုင်သည်။ အလောဘ၊ အဒေါသ၊ အမောဟကို အခြေခံသည်
စေတနာပါသော ကံကို ကောင်းမှုကံဟု ခေါ်သည်။ လောဘ၊ ဒေါသ၊ မောဟ တို့ကို
အခြေခံသည့် စေတနာပါသောကံကို မကောင်းမှုကံဟု ခေါ်သည်။
အလောဘ၊ အဒေါသ၊ အမောဟ တို့ကိုအခြေခံသည့် စေတနာလည်း မပါ။
လောဘ၊ ဒေါသ၊ မောဟတို့ကို အခြေခံသည့် စေတနာလည်းမပါ။ ပြုကာမတ္တ မျှသာ
ဖြစ်သော ကံကို အဗျာကတ ဟု သတ်မှတ်သည်။

ကံသည် စေတနာအရင်းခံပါသော တွေးကြံ၊ ပြောဆို၊ ပြုမူမှု ဖြစ်ပေရာ ထိုကဲ့သို့
လက်ရှိအခြေအနေ၊ လက်ရှိဘဝက ပြုလုပ်သောကံနှင့် လွန်ခဲ့သော ဘဝကပြုလုပ်ခဲ့သော
အတိတ်ကံဟု နှစ်မျိုးပိုင်းခြားနိုင်သည်။ ကံဟု သာမာန်ပြောဆိုလျှင် ပစ္စုပ္ပန်ကံ
အတိတ်ကံနှစ်မျိုးစလုံး အကျုံးဝင်နိုင်သည်။ ထိုနှစ်မျိုးစလုံးသည် မျက်မှောက်ဘဝ၊
လက်ငင်းအခြေအနေ၌ အကျိုးပေးနိုင်သည်။ ဗုဒ္ဓဘာသာ အယူအဆအရ
ထိုနှစ်မျိုးအနက် ပစ္စုပ္ပန်ကံကိုသာ အလေးအနက်ထားရမည် ဖြစ်သည်။

အတိတ်ကံသည် ပြုပြင်၍လည်း မရနိုင်၊ မျက်မှောက်လူသားတို့ စွမ်းဆောင်ချက်နှင့်လည်း
တိုက်ရိုက်မဆိုင်။ ပစ္စုပ္ပန်ကံသာလျှင် မျက်မှောက်လူသားတို့ စွမ်းဆောင်ကြိုးစားမှုနှင့်
တိုက်ရိုက် သက်ဆိုင်သည်။ ဗုဒ္ဓသည် ပစ္စုပ္ပန်ကံကိုသာ အလေးအနက်ထားခဲ့သည်။
အဂုင်္တ္တရနိကာယ်၊ တိကနိပါတ်၊ တိတ္ထာယတနသုတ်၌ ပါရှိသော အောက်ပါစကားဖြင့်
ပစ္စုပ္ပန်ကံအပေါ် ဗုဒ္ဓအလေးအနက်ထားမှုကို ထင်ရှားစေနိုင်ပါသည်။ ဗုဒ္ဓက အောက်ပါ
ကဲ့သို့ မိန့်တော်မူခဲ့သည်။
" ရဟန်းတို့ . . . အကိရိယဒိဋ္ဌိသုံးမျိုးရှိသည်။ သုံးမျိုးဆိုသည်မှာ ချမ်းသာမှု၊ ဆင်းရဲမှုအားလုံးသည်
ရှေးကပြုခဲ့ဖူးသော အကြောင်းကြောင့်သာလျှင် ဖြစ်၏ဟူသော အယူ(ပုဗ္ဗေကတဟေတုဒိဋ္ဌိ)
တစ်ပါး။ ချမ်းသာမှု ဆင်းရဲမှုအားလုံးသည် လောကကို အစိုးရသော ဗြဟ္မာ(ထာဝရဘုရား)
က ဖန်ဆင်းမှုကြောင့် ဖြစ်၏ဟု ယူဆသော အယူ(ဣဿရနိမ္မာနိကဒိဋ္ဌိ)တစ်ပါး။
ချမ်းသာမှု ဆင်းရဲမှုအားလုံးသည် အကြောင်းအရင်းမရှိဘဲ အလိုအလျောက်ဖြစ်ပေါ်၏ဟု
ယူသော အယူ (အဟေတုကဒိဋ္ဌိ) တစ်ပါး။ ဤသုံးပါးတို့ဖြစ်ကြသည်။ ဤအယူသုံးပါး
မှန်ကန်သည်ဆိုပါက လူတို့အဖို့ပြုဖွယ်ကိစ္စ တစ်စုံတစ်ရာရှိတော့မည် မဟုတ်။
အလိုရှိအပ်သော ဆန္ဒ၊ စွမ်းအင်၊ လုံ့လ ဟူ၍လည်း ဖြစ်ပေါ်တော့မည်မဟုတ်။
သူတော်သူမြတ် သမဏတို့၏ အယူဝါဒ သည်လည်း ဖြစ်ပေါ်လာတော့မည်
မဟုတ်ချေ။"

ကံအကျိုးဆက်

ကောင်းသောကံသည် ကောင်းသောအကျိုးတရားကို ဖြစ်ပေါ်စေတတ်သည်။
မကောင်းသောကံသည် မကောင်းသောအကျိုးတရားကို ဖြစ်ပေါ်စေတတ်သည်။
ကောင်း၊ဆိုး အကျိုးတရားများသည် အကျိုးပေးရန် အခွင့်အလမ်းရှိပါက ဤဘဝဖြစ်စေ၊
နောက်(ဒုတိယ) ဘဝ၌ဖြစ်စေ၊ နောက်နောင်လာမည့် ဘဝများ၌ဖြစ်စေ ဖြစ်ပေါ်လာ
တတ်သည်။
စေတနာသည် ကံ၏ အရင်းခံဖြစ်သည်။ စေတနာကို အကြောင်းပြု၍ ကံကို အကောင်း၊
အဆိုး၊ ကြားဟု ပိုင်းခြားရသည်။ သို့ရာတွင် စေတနာသက်သက်ဖြင့်ကား၊ ကံအဖြစ်
အထမမြောက်။ စေတနာကို အရင်းခံလျက် တွေးကြံမှု၊ ပြောဆိုမှု၊ ပြုမူမှု ပြုမှသာလျှင်
ကံဟုဆိုနိုင်သည်။ ထို့အပြင်ကံအဖြစ် အထမြောက် မမြောက်သတ်မှတ်နိုင်ရန် အခြား
လိုအပ်ချက်များလည်း ရှိပေသေးသည်။
ဥပမာအားဖြင့် သူတစ်ပါးအသက်ကို သတ်ဖြတ်မှု(ပါဏာတိပါတကံ) အထမြောက်
မမြောက်သတ်မှတ်နိုင်သည့် အခြေခံအချက်များရှိသည်။ ထိုအချက်များမှာ-
(အဋ္ဌသာလိနိအဋ္ဌကထာအရ)
၁။ သက်ရှိဖြစ်ခြင်း
၂။ သက်ရှိသတ္တဝါထင်ရှားရှိကြောင်းသိခြင်း
၃။ သတ်လိုသည့်စိတ်ရှိခြင်း
၎။ သတ်ရန်အားထုတ်ခြင်း
၅။ အားထုတ်မှုကြောင့် ထိုသတ္တဝါသေခြင်း . . . . . တို့ ဖြစ်သည်။
ဤအချက်များကို ထောက်ဆကြည့်ပါက စေတနာသက်သက်မျှဖြင့် ကံအဖြစ်
အထမမြောက်ကြောင်း ထင်ရှားသိနိုင်သည်။
ကံအဖြစ် အထမမြောက်သော ကောင်းသောကံ၊ ဆိုးသောကံ များသည်
ကောင်းကျိုးဆိုးပြစ်များကို အခွင့်သာပါက ဖြစ်ပေါ်စေတတ်သည်။ အချို့သော
ကံများသည် မျက်မှောက်ဘဝမှာပင် လက်ငင်းအကျိုးပေးတတ်သည်။(ဒိဋ္ဌဓမ္မဝေဒနိယကံ)
အချို့ကံများသည် နောက်(ဒုတိယ) ဘဝ၌အကျိုးပေးတတ်သည်။(ဥပပဇ္ဇဝေဒနိယကံ)
အချို့ကံများသည် နောက်နောင်ဘဝတစ်ခုခု တစ်ချိန်ချိန်၌အကျိုးပေးတက်သည်။ (အပရာပရိယဝေဒနိယကံ)
အချို့သောကံများသည်အကျိုးပေးရန် အခွင့်အလမ်းမပေါ်သောကြောင့်ဖြစ်စေ၊ ကံကိုယ်၌က အားပျော့လွန်း၍
အကျိုးမပေးနိုင်သောကြောင့်ဖြစ်စေ၊ တစ်စုံတစ်ရာအကျိုးမဖြစ်ထွန်းဘဲရှိတတ်သည်။(အဟောသိကံ)။

ကံ၏အကျိုးပေးပုံပေးနည်းမှာလည်း အမျိုးမျိုးရှိသည်။ အချို့ကံများသည် အသက်ရှင်နေစဉ်
ဘဝအတွင်းမှာဖြစ်စေ၊ ပဋိသန္ဓေ နေသည့်အခါ၌ဖြစ်စေ မိမိနှင့်ဆိုင်ရာ အကျိုးကို ဖြစ်ပေါ်စေသည်။(ဇန ကကံ)
အချို့ကံများသည် မိမိကိုယ်တိုင်၏ တိုက်ရိုက်အကျိုးကို မဖြစ်ပေါ်စေဘဲ၊ အခြားကံ၏ ဖြစ်ပေါ်ပြီးသော
အကျိုးကိုအထောက်အပံ့ပြုရုံသာပြုသည်။(ဥပထမ္ဘကကံ)။
အချို့ကံများသည် အခြားကံ၏ အကျိုးကို ဖိနှိပ်တားဆီးတတ်၏။(ဥပပိဠကကံ)။
အချို့ကံသည် အားနည်းသည့် တစ်ခြားကံ၏ အရှိန်အဝါကို ဖျက်ဆီးပစ်ပြီး မိမိ၏ အကျိုးကို ဖြစ်ပေါ်စေတတ်သည်။
(ဥပဃာတကကံ)သို့မဟုတ်(ဥပစ္ဆေဒကကံ)။

ထို့အပြင် ကံကို အကျိုးပေးမှု အစွမ်းအလျှောက် လေးမျိုးခွဲခြားထားသည်။
လေးမျိုးမှာ -
၁။ ဂရုက ကံ
၂။ အာစိဏ္ဏက ကံ
၃။ အာသန္န ကံ
၎။ ကဋတ္တာ ကံ တို့ ဖြစ်ကြသည်။ ထိုလေးမျိုးအနက် -

၁။ ဂရုက ကံ
အမိကိုသတ်ခြင်း၊ အဖကိုသတ်ခြင်း စသည်တို့ကဲ့သို့ ကြီးလေးသော ကံ ဖြစ်သည်။
ဤပုံစံမှာ အကုသိုလ်အတွက်ဖြစ်၍ ကုသိုလ်အတွက်လည်း အလားတူ ကြီးလေးသောကံအဖြစ် မှတ်ယူနိုင်သည်။

၂။ အာစိဏ္ဏက ကံ
အလေ့အကျင့်ဖြစ်နေသော ပြုလေ့ပြုထရှိသော ကံ ဖြစ်သည်။ ထို ဂရုကကံနှင့် အာစိဏ္ဏကကံတို့သည်
ပေါ့သောကံထက် ဦးစွာ အကျိုးပေးသည်။

၃။ အာသန္န ကံ
မသေမီကပ်၍ (သေခါနီး၌) ဖြစ်ပေါ်လာသည့် ကုသိုလ်စေတနာ အကုသိုလ်စေတနာဖြစ်သည်။
ယင်းကို မရဏာသန္နကံ ဟုလည်း ခေါ်သည်။ ဤအာသန္နကံသည် ယခင်ကပြုဖူးသော ကံ၏ရောင်ပြန်
ဟပ်မှုနှင့် ပြည့်စုံသည်။ သို့မဟုတ် ထိုပြုဖူးသော ကံ၏ အမှတ်အသား၊ (ကမ္မနိမိတ်)လည်း ဖြစ်နိုင်သည်။
သို့မဟုတ် ထိုပြုဖူးသော ကံ၏အနာဂတ် အကျိုးပေးမည့် အမှတ်အသား၊ (ဂတိနိမိတ်)လည်း ဖြစ်နိုင်သည်။
ထိုအာသန္နကံသည် ဒုတိယဘဝ၏ ဇာတိကို ဖြစ်ပေါ်စေသည်။

၎။ ကဋတ္တာ ကံ
ကြွင်းကျန်နေသော ကံဖြစ်သည်။ သေခါနီးကာလ၌ အထက်ပါ ကံသုံးမျိုး တစ်ခုခုမျှ မရှိပါက ကဋတ္တာကံက
ဒုတိယဘဝ၏ ဇာတိကို ဖြစ်ပေါ်စေသည်။
ကဋတ္တာကံသည် မျက်မှောက်ဘဝကံတို့မှ ဂရုကကံ၊ အာစိဏ္ဏကကံ၊ အာသန္နကံတို့တွင် မပါဝင်သေးသော
ကြွင်းကျန်နေသည့် ကံလည်း အကျုံးဝင်သည်။ ဘဝအဆက်ဆက်က ကြွင်းကျန်နေသော ကံလည်း
အကျုံးဝင်သည်။
ကမ္မဝါဒသည် ဘဝတစ်ဖန်ဖြစ်ခြင်း၊ သံသရာလည်ဖြင်းနှင့် ဆက်စပ်သည်ဟု ပညာရှင်တို့ ယူဆထားကြသည်။
ဘဝသံသရာ၌ ကျင်လည်ရခြင်းသည် ထိုကံကြောင့်ဖြစ်သည်ဟု ဂျိန်းဝါဒီများ(ဇိနဝါဒီများ) က ယူဆကြသည်။
မိမိကိုယ်ကို ညှဉ်းပန်းနှိပ်စက်ခြင်းဖြင့် ဘဝများစွာသံသရာမှ ပါလာသော ကမ္မသတ္တိကို ဖြိုခွဲဖျက်ဆီးပစ်နိုင်ကာ
သံသရာဝဋ်ဆင်းရဲမှ လွတ်မြောက်နိုင်သည်ဟု ဂျိန်းဝါဒီတို့က ယုံကြည်ခဲ့ကြသည်။
ဗုဒ္ဓဝါဒအရမူ၊ သတ္တဝါတစ်ဦး ဘဝသံသရာ၌ ကျင်လည်ရခြင်းမှာ အဝိဇ္ဇာ နှင့် တဏှာ ကြောင့် ဖြစ်သည်။
ထိုသတ္တဝါ၏ အခြေအနေကိုသာလျှင် ကံကဖန်တီးပေးသည်ဟု ယူဆသည်။
အတိတ်ကံ၊ ပစ္စုပ္ပန်ကံဟူသော ကံနှစ်မျိုးအနက် အတိတ်ကံသည် ပဋိသန္ဓေ အကျိုးကိုပေးသည်။
လူသားအနေဖြင့် ချမ်းသာသော အိမ်ထောင်စု၊ ဆင်းရဲသော အိမ်ထောင်စု၌ ပဋိသန္ဓေနေရခြင်း၊
ရုပ်လှခြင်း မလှခြင်း၊ လူ့ဘဝ၊ တိရစ္ဆာန်ဘဝ စသည် ဖြစ်ရခြင်းတို့မှာ အတိတ်ကံ၏ အကျိုးပေးအရဖြစ်သည်။
ပစ္စုပ္ပန်ဘဝ၌ တိုးတက်ခြင်း၊ ဆုတ်ယုတ်ခြင်း၊ အောင်မြင်ခြင်း၊ ကျဆုံးခြင်းစသည်တို့မှာမူ အတိတ်ကံ
ပစ္စုပ္ပန်ကံ နှစ်မျိုးစလုံး၏ အကျိုးဆက်ဖြစ်သည်။ အတိတ်ကံကို လူတို့ မပြုပြင်နိုင်၊ မပြောင်းလဲနိုင်။
ထို့ကြောင့် မိမိတို့ကြိုးစားဆောင်ရွက်နိုင်သည့် ပစ္စုပ္ပန်ကံကိုသာ ကောင်းအောင်ကြိုးစားကြရမည်
ဖြစ်လေသည်။
သတ္တဝါတို့သည် ကံသာလျှင် ကိုယ်ပိုင်ဥစ္စာရှိကြကုန်သည်။ ကံသာလျှင် အမွေခံရှိကြကုန်သည်။
ကံသာလျှင် အကြောင်းရင်း၊ အဆွေအမျိုး၊ အားထားကိုးကွယ်ရာ ရှိကြကုန်သည်။ ကံသာလျှင်
သတ္တဝါတို့ကို အယုတ်အလတ်အမြတ်ဖြစ်စေခြင်းငှာ ပြုပြင်စီမံသည်။ (မဇ္စျိမ နိကာယ်၊ စူဠကမ္မဝိဘင်္ဂသုတ်)
ဟု ဗုဒ္ဓဝါဒက ခံယူသည်။ ထိုသို့ခံယူရာ၌ အတိတ်ကံကိုသာ အားကိုးနေရန်ကား မဟုတ်ချေ။
"အတ္တဒီပံ၊ အတ္တသရဏံ" မိမိကိုယ်ကိုသာ ကိုးကွယ်ရာဟူသော စကားအရ၊ ပစ္စုပ္ပန်ကံကို
အားထားရမည်၊ ကောင်းအောင် ကြိုးပမ်းကြရမည် ဖြစ်လေသည်။

ဗုဒ္ဓ၏ကမ္မဝါဒ
နန္ဒာသိန်းဇံ
၏
ထေရဝါဒနှင့်ပတ်သက်သောမှတ်ချက်များ
မှ
ထုတ်နုတ်ဖော်ပြပါသည်
{စေတနာသည် တူသောအကျိုးကိုပေး၏}
ထွန်းကျော် (L.M.©)

ထေရဝါဒ၏ အခြေခံယူဆချက်များ

ထေရဝါဒ၏ အခြေခံယူဆချက်များ

အရှင်သာရိပုတ္တရာ အလောင်း၊ ဥပတိဿပရိဗိုဇ်သည် ရာဇဂြိုလ်တွင် လှည့်လည်ကာ
ဆရာရှာစဉ်၊ အရှင်အဿဇိဆွမ်းခံကြွလာသည်နှင့် ကြုံကြိုက်သည်။
အရှင်၏ ကြည်လင်သော မျက်နှာတော်နှင့် တည်ငြိမ်သော ဣနြေ္ဒတို့ကို
လေးစားကြည်ညိုသောကြောင့် ဤအရှင်မြတ်ထံတွင် တရားထူးရနိုင်တန်ရာ၏ဟု
ယူဆကာ၊ အရှင်မြတ် ဆွမ်းခံကြွရာနောက်သို့ တစ်ကောက်ကောက်လိုက်ပါသည်။
ဆွမ်းခံပြီးသောအခါ ဥပတိဿ အရှင်မြတ်ကို . .

"ငါ့ရှင် . . . သင်၏ဣနြေ္ဒတို့သည် ကြည်လင်ကုန်၏။ အရေ အဆင်းသည်
စင်ကြယ်သည်။ ဖြူစင်တောက်ပသည်။ ငါ့ရှင် . . သင်သည် အဘယ်သူကို
ရည်ညွှန်း၍ ရဟန်းပြုသနည်း၊ သင်၏ ဆရားကား အဘယ်သူနည်း၊
အဘယ်တရားကို သင်နှစ်သက် သနည်း" ဟု မေးသည်။
ထိုအခါ အရှင်အဿဇိက ပြန်လည်ဖြေကြားသည်မှာ . . .

"ငါ့ရှင် . . သာကီဝင်မင်းသားဖြစ်သော သာကီဝင်မင်းမျိုးမှ ရဟန်းပြုသော
ရဟန်းမြတ်သည် ရှိတော်မူသည်။ ငါသည် ထိုဘုန်းတော်ကြီးသော
ရဟန်းမြတ်ကို ရည်ညွှန်း၍ ရဟန်းပြုသည်။ ထိုမြတ်စွာဘုရားသည်
ငါ၏ ဆရာပေတည်း။ ငါလည်း ထိုမြတ်စွာဘုရား၏ တရားတော်ကို
နှစ်သက်၏။"

အရှင်မြတ်၏ အဖြေကို ကြားရသောအခါ ဥပတိဿက
"အရှင်၏ ဆရာသည် အဘယ်အယူရှိသနည်း။ ဘယ်သို့သော တရားကို
ဟောကြားသနည်း" ဟု ဆက်လက်မေးမြန်းသည်။
ထိုအခါ . . .

"ငါ့ရှင် . . ငါသည် ဤသာသနာသို့ ယခုမှ ဝင်ရောက်စ ဖြစ်သည်။
ရဟန်းပြုသည်မှာ မကြာမြင့်သေးသော ရဟန်းသစ်ဖြစ်သည်။
ငါသည်သင့်အား အကျယ်အားဖြင့် တရားကိုဟောခြင်းငှာ မတတ်နိုင်။
သို့ရာတွင် သင့်အားအကျဉ်းအားဖြင့် အနက်သဘောကို ဟောပေအံ့"
ဟု မိန့်ဆိုသည်။

ဥပတိဿကလည်း အကျဉ်းမျှပင်ဖြစ်စေ၊ အနက်ကို ဟောရန်ပန်ကြားသည်။
ထိုပန်ကြားချက်အရ၊ ဗုဒ္ဓဓမ္မ၏ ဝါဒအနှစ်ချုပ်အဖြစ် "ယောဓမ္မာ ဟေတုပ္ပဘဝါ"
အစရှိသော ဂါထာကို ဟောကြားသည်။ ထိုဂါထာ၏ ဆိုလိုချက်မှာ -
 "အကြင်(ဒုက္ခ)တရားတို့သည် အကြောင်း ကြောင့်ဖြစ်ပေါ်လာရသည်။
ထိုသို့ဖြစ်ပေါ်လာစေသော အကြောင်း(သမုဒယ)ကိုလည်း ဘုရားရှင်ဟောကြားသည်။
ထိုဒုက္ခ၊ သမုဒယ တရားတို့၏ ချုပ်ငြိမ်းခြင်းကိုလည်းကောင်း၊ ချုပ်ငြိမ်းစေသော
အကြောင်း နည်းလမ်းကိုလည်းကောင်း ဘုရားရှင် ဟောပြသည်။
ရဟန်းမြတ် ဗုဒ္ဓသည် ဤသို့အယူရှိသည်" . . . . ဟူ၍ ဖြစ်သည်။

ဤဂါထာ၌ အရှင်အဿဇိအကျဉ်းမျှ ဖော်ပြသည့် တရားအမြွတ်အတိုင်းပင်
ဂေါတမဗုဒ္ဓ၏ ဝါဒသည်အကြောင်းနှင့် အကျိုးတို့ကို ဖေါ်ပြသော ဝါဒဖြစ်သည်။
ဒုက္ခသည် အကျိုး၊ သမုဒယသည် အကြောင်း၊ ဒုက္ခချုပ်ငြိမ်းခြင်း၊ နိရောဓသစ္စာသည်
အကျိုး၊ ဒုက္ခကို ချုပ်ငြိမ်းစေသော နည်းလမ်းကျင့်စဉ် "မဂ္ဂ"သည် အကြောင်းတရား
ဖြစ်သည်။

ဤသည်မှာ သစ္စာလေးပါးတရားကို အနှစ်ထုတ်ကာ အချုပ်မျှပြန်လည်တင်ပြထားသော
ဂါထာ၏ ဆိုလိုရင်းဖြစ်သည်။ နောင်အခါ၌ (၄၅)ဝါကာလပတ်လုံး သစ္စာလေးပါးကို
အခြေခံလျက် ဘုရားရှင် ဟောကြားခဲ့သော တရားတော်များအားလုံးမှာလည်း
အကြောင်းနှင့် အကျိုးဆက်စပ်ဟောပြချက်များ၊ အကြောင်း အကျိုးဆက်စပ်
သုံးသပ်ချက် များသာဖြစ်သည်။ တရားသေစွဲမှတ်ထားရန်၊ တစ်ချက်လွှတ်ချမှတ်ထားသည့်
ပညတ်ချက်ဟူ၍ တစ်စုံတစ်ရာ မပါရှိချေ။

ထေရဝါဒ၏ အခြေခံယူဆချက်များ
ကို
နန္ဒာသိန်းဇံ
၏
ထေရဝါဒနှင့်ပတ်သက်သောမှတ်ချက်မှားမှ
ထုတ်နုတ်ဖော်ပြထားပါသည်။
{စေတနာသည် တူသောအကျိုးကို ပေး၏}
ထွန်းကျော်(L.M.©)

ဗုဒ္ဓသာသနာ

ဗုဒ္ဓသာသနာ

ဂေါတမဗုဒ္ဓသည် (၄၅)ဝါပတ်လုံး ဝေနေယျတို့အားဆုံးမ ချေချွတ်တော်မူခဲ့သည်။
လူနတ်ဗြဟ္မာသတ္တဝါတို့အား ဆုံးမတော်မူခဲ့သည်။ ဗုဒ္ဓဟောပြဆုံးမခဲ့သော
တရားဓမ္မဟူသမျှသည် သစ္စာလေးပါးတရားကို အခြေခံထားသည်။
ဗုဒ္ဓ၏ အဆုံးအမ (ဗုဒ္ဓသာသနာ)၏ လိုရင်း အချုပ်မှာလည်း ရှေးဘုရားရှင်တို့၏
အဆုံးအမ အတိုင်းသာဖြစ်သည်။

သာဝတ္ထိပြည်၊ ဇေတဝန်ကျောင်းတော်၌ ဘုရားရှင် သီတင်းသုံးနေတော်မူစဉ်
တစ်နေ့တွင် အရှင်အာနန္ဒာသည် ဘုရားရှင်ထံချဉ်းကပ်လျက် "အရှင်ဘုရား
ဝိပဿီစသော ရှေးဘုရားရှင်တို့သည် ဤဥပုသ်ကိုပင် ပြတော်မူကြသလော၊
အခြားသော ဥပုသ်ကိုပင် ပြတော်မူကြသလော" ဟု မေးလျှောက်သည်။
ဘုရားရှင်က ဝိပဿီ စေသော ဘုရားရှင်တို့သည် ဥပုသ်ပြရန် အချိန်ကာလ
ကွာခြားကြသော်လည်း သြဝါဒမှာ အတူတူသာဖြစ်သည်ဟု မိန့်တော်မူသည်။
ထို မိန့်တော်မူချက်တွင် . .
"သဗ္ဗပါပဿ အကရဏံ၊ ကုသလဿဥပသမ္ပဒါ။
သစိတ္တပရိယောဒပနံ၊ ဧတံဗုဒ္ဓါနသာသနံ"
(ဓမ္မပဒ၊ ၁၈၃)
ဟူ၍ ဘုရားရှင်တို့၏ သာသနာကို အချုပ်မျှထုတ်ပြဟောညွှန်ခဲ့သည်။

ထိုဗုဒ္ဓသာသနာ အချုပ်မှာ . . .
"မကောင်းမှုဟူသမျှ ကိုမပြုလုပ်ခြင်း၊
ကောင်းမှုကုသိုလ်နှင့် ပြည့်စုံစေခြင်း၊
မိမိစိတ်ကို ဖြူစင်စေခြင်း၊
ဤသည်ကား ဘုရားရှင်တို့၏ အဆုံးအမတော်တည်း" ဟူ၍ ဖြစ်သည်။

ထိုဆုံးမချက်ကို . . .
"မကောင်းမှု ရှောင်
ကောင်းမှု ဆောင်
စင်အောင် စိတ်ကိုထား" ဟု မင်းကွန်းတိပိဋကဓရဆရာတော် ဘုရားကြီးက
ဆောင်ပုဒ် ပြုလုပ်ထားသည်။

ဤဆောင်ပုဒ်အတိုင်းပင် ဗုဒ္ဓအဆုံးအမ၊ ဗုဒ္ဓသာသနာ၏လိုရင်းအချုပ်မှာ
မကောင်းမှုမှန်သမျှကို မပြုလုပ်ဘဲ ရှောင်ကြဉ်ခြင်း ကုသိုလ်ကောင်းမှုနှင့်
ပြည့်စုံအောင် အားထုတ်ခြင်းနှင့် မိမိ၏စိတ်ကို ဖြူစင်ကြိုးစားပွားများခြင်းပင်
ဖြစ်သည်။

ဤတွင် ရှောင်ကြဉ်ရမည့် မကောင်းမှုသည် မည်သို့သော သဘောရှိသနည်းဟု
ဆင်ခြင်သော် ပြုလုပ်နေစဉ်မှာလည်း စိုးရိမ်ရ၊ ပူပန်ရ၊ ပြုလုပ်ပြီးသောအခါ၌လည်း
စိုးရိမ်ရ၊ ပူပန်ရ၊ ပစ္စုပ္ပန် တမလွန်ဘဝနှစ်တန်လုံး၌ စိုးရိမ်ရ၊ ပူပန်ရသော
အမှုသည မကောင်းမှုဖြစ်သည်ဟု နားလည်ရပေမည်။ (ဓမ္မပဒ၊ ၁၅၊ ၁၇)
မကောင်းမှုသည် တရားကိုယ်အားဖြင့် လောဘ၊ ဒေါသ၊ မောဟတို့ကို
အခြေခံသော အ ကြံအစည်၊ အပြောအဆို၊ အပြုအမူတို့ပင် ဖြစ်သည်။

မကောင်းမှုနှင့် ဆန့်ကျင်ဘက်သဘောမှာ ကောင်းမှုဖြစ်သည်။
ကောင်းမှုသည် မည်သို့သော သဘောရှိသနည်း။ ပြုလုပ်နေစဉ်မှာ
နှစ်သက် ဝမ်းမြောက်ရသည်။ ပြုလုပ်ပြီးသောအခါ၌လည်း နှစ်သက်ဝမ်းမြောက်
ရသည်။ ပစ္စုပ္ပန် တမလွန်နှစ်တန်စလုံး၌ နှစ်သက်ဝမ်းမြောက်ရသည်။
ထိုအမှုကို ပြုသူသည် မိမိ၏စင်ကြယ်သောအလုပ်ကို ပြုနေသည်ကို
သိမြင်ရ၍ အလွန်ပင်နှစ်သက် ဝမ်းမြောက်ရသည်။ (ဓမ္မပ္ပဒ၊ ၁၆၊ ၁၈)
ဤသည်ပင်လျှင် ကောင်းမှု၏ သဘောဖြစ်သည်။ ကောင်းမှု၏
တရားကိုယ်မှာ အလောဘ၊ အဒေါသ၊ အမောဟတို့ကို အခြေခံသည်။
မိမိအတွက် မငဲ့ကွက်၊ မတပ်မက်သော စိတ်ဖြင့် တွေးကြံပြောဆိုပြုမူသည်။
အခြားသူတို့အပေါ် မေတ္တာနှင့် ယှဉ်သော စိတ်ဖြင့်တွေးကြံ ပြောဆိုပြုမှုသည်။
မတွေမဝေ အသိဉာဏ်ဖြင့် ဆင်ခြင်လျက် ကျင့်ကြံ၊ ပြောဆို၊ ပြုမှုသည်။
ဤသည်ပင်လျှင် ကောင်းမှုဖြစ်သည်။

မိမိ၏စိတ်ကို ဖြူစင်စေရန် လုပ်ရမည့်နည်းလမ်းမှာ စိတ်ကို လေ့ကျင့်ရန်ဖြစ်သည်။
ကောင်းသော အတွေးအကြံ၊ ကောင်းသော နှလုံးသွင်းကို ပွားများပေးရန်ဖြစ်သည်။
စိတ်သည် ကောင်းစွာလေ့ကျင့်ပွားများအပ်သော် ချမ်းသာကိုဆောင်တတ်သည်။ (ဓမ္မပ္ပဒ ၃၆)။

လောကီချမ်းသာ၊ လောကုတ္တရာချမ်းသာ နှစ်တန်လုံးကို ပွားများလေ့ကျင့်ထားသော
စိတ်ကဆောင်နိုင်သည်။ ဗုဒ္ဓဘာသာဝင်တို့၏ နောက်ဆုံးပန်းတိုင်ဖြစ်သော
နိဗ္ဗာန်ကို စိတ်အလေ့အကျင့်ဖြင့်သာရရှိ၊ ရောက်ရှိနိုင်သည်။ အပြောအဆို၊
ဆင်ခြင်ရုံ၊ အပြုအမှုစောင့်စည်း ရုံဖြင့် မရနိုင်၊ မရောက်နိုင်ချေ။ စိတ်ကို
လေ့ကျင့်ပွားများရန်အတွက် ဘာဝနာပွား ကြရသည်။ သမထဘာဝနာ၊
ဝိပဿနာ ဘာဝနာတို့ကို လက်တွေ့ ကျင့်သုံးကြရသည်။

ဗုဒ္ဓသာသနာ
ကို
နန္ဒာသိန်းဇံ
၏
ထေရဝါဒနှင့်ပတ်သက်သောမှတ်ချက်များ
မှ
ထုတ်နုတ်ဖော်ပြပါသည်
{စေတနာသည် တူသောအကျိုးကိုပေး၏}
ထွန်းကျော် (L.M.©)